पशुपन्छी अनुसन्धान, विकास तथा प्रशिक्षण केन्द्र, पोखराको वेभसाइटमा यहाँलाई हार्दिक स्वागत छ

वि.सं. २०५२ साल आषाढ महिनामा कृषि विकास विभागको संरचनामा परिवर्तन भइ पशु सेवा विभागको स्थापना पश्चात पशु सेवा तर्फको तालिम कार्यक्रमहरु सुचारु रुपले संचालन गर्न गराउनका लागि केन्द्रीय स्तरमा पशुसेवा तालिम तथा प्रसार निर्देशनालय र यस अन्तर्गत पाँचविकास क्षेत्रमा क्षेत्रीय पशु सेवा तालिम केन्द्रको स्थापना भएको थियो। जस मध्ये पश्चिमाञचल विकास क्षेत्रमा क्षेत्रीय पशु सेवा तालिम केन्द्र, पोखरा एक हो। उक्त तालिम केन्द्रले पश्चिमान्चल विकास क्षेत्र अन्तर्गतका १६ जिल्लाहरुबाट कृषकहरु तथा पशु सेवा र पशु स्वास्थ्य क्षेत्रमा कार्यरत निजी तथा सरकारी सहायक स्तरका प्राविधिक कर्मचारीहरुलाई पशु सेवा प्रविधि सम्वन्धी ज्ञान, सीप तथा क्षमतामा अभिवृद्धि गर्न विभिन्न विषयगत तालिमहरु संचालन गर्दै आईरहेको थियो। यसका साथै तालिम केन्द्रले अन्य सरकारी तथा गैरसरकारी निकायहरुसँग समन्वय गरी तालिमहरु संचालन गर्ने तथा यस्ता निकायद्वारा संचालित तालिमहरुको अनुगमन र मुल्यांकन समेत गर्ने गर्दथ्यो। >>View More>>